【十三短打】曼联一铺定输赢!

【十三短打】曼联一铺定输赢!
【Bwin】曼联始终系世界球坛话题球队,无论看官系唔系红魔趸,都应该同意今日欧霸杯决赛嘅瞩目程度,不下于下星期场欧联决赛,讲到尾,曼联一早押重注喺呢场波,食粥食饭,一战决定成败得失。 撰文:球十三

曼联领队摩连奴苦心经营一整季,近期不断苦心轮换牺牲博上英超前4嘅机会,连记者会都敷衍了事,为嘅都只系希望呢场波可以最佳状态示人。不过红魔今季伤患成灾,明明喺瑞典踢嘅决赛,成世有冠军命嘅大将伊巴谦莫域冇机会喺江东父老前献技,只可以随军叫做亮吓相。至于后防支柱艾历拜利又停赛,仲未计几个有微伤在身上阵成疑嘅球员,实力难免打个折。

今场亦系红魔本季第64场比赛,足足踢多对手阿积士8场。牌面上曼联好似高少少,但朗奴高文讲得啱,今时今日红魔唔系不能打败,只魔鬼面对一班活力充沛嘅生牯仔,想张牙舞爪边系话咁易。

谂番摩佬旧年高姿态入「魔」嘅时候,大家预期曼联好快重建王朝,睇完1季好似同预期有落差,不过如果今日欧霸封王,一张望穿秋水嘅欧联入场券到手,咁加埋联赛杯有两个杯喺手,仲达成球会欧洲赛「全满贯」嘅目标,咁都唔可以话失败。

摩佬押重注喺呢一场,决定全季成败得失,一旦失利肯定影响球会未来方针,而摩佬会唔会输晒筹码,连饭碗都冇埋?照睇唔会。不过刚啱收到大Sam离任水晶宫领队职位嘅消息,都有少少突然,呢个球圈,呢个世界,有咩讲得埋?

撰文:球十三

足球迷叫第十二人,冇偏爱,冷眼旁观系十三。

email:[email protected]

欢迎浏览球十三fb专页,若得到波友一个like,就是我们团队的一大鼓舞:

www.facebook.com/ballthirteen

图片来源 : ©AFP

发表评论

电子邮件地址不会被公开。 必填项已用*标注